Usa ka patayng lawas sa usa ka lalaki ang napalgan sa Barangay Santiago alas 4:05 ang takna sa hapon kagahapong adlawa.
Sumala pa ni Gerby Cambaya usa ka mananagat, nga samtang sila nangisda, kauban ang iyang anak, ilang nakita ang patayng lawas nga naglutaw-lutaw sa maong kadagatan ug dali nila kining gibira paingon sa baybayon.
Naila ang maong biktima nga si Pableo Quiban 61 anyos, balo, usa ka mananagat, ug residente sa Purok 4 sa nasangpit nga barangay.
Daling gi rescue sa 811 ang nasangpit nga biktima, apan gideklara kining wala nay kinabuhi.
Sumala pa sa anak niini, nga si Ryan Quiban, alas 12 sa udto milakaw ang iyang amahan aron mangisda,apan wala na kini makabalik pa.
Gituohang nalumos ang nasangpit nga biktima,.
Ang patayng lawas sa biktima daling gidala sa Mary Venus Funeral Homes samtang mihimo na ug imbestigasyon ang SOCO labot sa maong insidente.
