Indi madayon ang patigayunon kuntani nga Regional Anti-Illegal Drug Summit ukon “RAIDS” bwas nga adlaw, Oktubre 5 nga i-host sang Provincial Government sang South Cotabato.
Suno kay Governor Daisy Avance Fuentes ang rason kon ngaa indi madayon ang nasambit nga aktibidad ini tungod indi mag-abot si OIC Dilg Secretary Catalino Cuy kag bisan siya ang indi available tungod ginpatawag man siya sa hearing sang tax revenue source sang federalism.
Sa subong wala pa sang petsa kon san-o ipatigayon ang “RAIDS” tungod hisgutan pa kon sin-o nga opisyal sang DILG ang imbitaran matapos nga kinahanglan gid ang ila nga presensya agud nga mapwersa ang mga mayors kag gobernador sa rehiyon nga magtambong sa nasambit nga aktibidad.
Nahibaluan nga katuyuan sang patigayunon nga RAIDS amo nga hibaluon ang accomplishments, best practices sang mga lgu`s sa pagtapna sang illegal drugs, resolberon ang problema sa kampanya kontra droga sa rehiyon kag madamo nga iban pa.
