Human natapos ang gipatumang Hunong Butu sa rebelding New Peoples’ Army atol sa ika 49 nila nga anibersaryo, gilayon nilang gilusad ang pagpangataki. Gi-harras sa rebelding NPA ang CAA Patrol Base didto sa brgy. Camp Edward, Alegria, Surigao del Norte, ala 1:45 ang takna sa hapon. Milungtad sa 4 ka minutos ang sinukliay ug bala adesir misibug ang mga NPA sa wala masayring direksyon. Walay natalang casualty sa paning sa goberno apan dili pa matinu ang sa NPA. Laing gi-harras sa NPA ang CAA Patrol Base sa brgy. Payapag, Bacuag, Surigao del Norte sad dili moubos 20 ka mga armadong NPA nga sakop sa Guerilla Front 16 sa pagpangulo ni Ka JD bandang alas 5:45 sa kaadlawon. Miabot sa 15 minutos ang bakbakan ug daling misibog ang mga NPA ug gikatahung walay casualty usab sa habig sa goberno. Sa pikas bahin, pakyas ang rebelding New Peoples’ Army kon NPA sa himuon untang pag-atake sa Bolhoon Patrol Base sa 36th IB PA nga nahimutang sa Brgy. Bolhoon, San Miguel SDS alas 12:00 kapin kon kulang gainanag sayu sa buntag. Sumala pa ni LTC Xerxes Trinidad nga tungod sa impormasyon sa mga residente sa lugar daling napakgang sa militar ang himuon untang pag-atake sa mga rebilde sa kampo sa sundalo nga nagbutang pa ug mga blocking force sa mga nagkandaiyang parte sa lugar ang kapin 30 ka mga rebilde nga miresulta sa 10 minutos nga bakbakan, ug pagkakumpiska sa usa ka 1 AK Rifle & 1 IED ug 150 meter wire. Sa karun nagpadayon pa ang paggukod sa mga sundalo ngadtu sa mga NPA.
Sent from my Samsung Galaxy smartphone.
