Liloy, ZDn-Tanggong pa karon sa Liloy MPS ang mga sakyanan nga nagkarambola didto sa may Brgy. Baybay, Liloy ZDN niadtong adlawng lunes mga 5:45PM kapin kun kulang
Ang maong aksidente gilangkuban kini sa 4 ka mga sakyanan una mao ang Cargo Truck, naka rehistro sa Ray of Gold Trading, 260 MRT Capistrano, Hagonoy Taguig NCR ug gimaneho ni Saturnino Morado Sumiyaya Jr. taga Brgy, Osukan Labason samtang ang ikaduha mao ang Mitsubishi, Patrol Vehicle nga iya sa Salug MPS, ang ika tulo mao ang Motorcab nga gipanag-iyahan ni Sanny Largo taga Baybay Liloy, ug lain pang Fuso Fighter Wing Van Truck nagtangag sa plak numero ABK 4637, naka rehistro kini sa Southern Mindanao Enterprises sa Zamboanga City, gimaneho ni Ruel Verba Antesco, lumolopyo sa Ipil, Zamboanga Sibugay.
Sa nahipos nga impormasyon sa PNP Liloy kining cargo truck naglawig kini gikan sa Liloy padulong sa lungsod sa Salug, samtang kining Fuso wing van, naglawig sab padulong sa lungsod sa Ipil.
Paghidangat sa lugar nahitaboan nga kung diin ang patrol car ug motorcab naka parade lamang kini sa toong bahin sa maong dalan ang cargo truck misulay kini ug lusot apan matod pa nawad-an kini ug control hinungdan nga maayong pagka bangga niini didto sa Patrol car ug nabangga pa kini sa nakaparada usab nga motorcab.
Napunggit sab ang atubangan nga bahin sa wing van, dako ang pasalamat sa mga driver nga walay nangaangol sa maong aksidente gawas lamang sa patrol car nga maoy na grabehan ug danyos.
Sa pagkakaron, padayon pa ang gihimong pag imbistigasyon ug nagpaabot nalang nga mag amicable settlement ang mga hingtungdan.
