Davao City – Gilantaw karon sa Davao City Transport and Traffic Management Office (CTTMO) ang pagpalapad pa sa pagkolekta sa parking fees sa pipila pa ka dalan sa syudad sa Davao.
Kini mao ang gibutyag ni CTTMO chief Dionisio Abude diin matud pa iduso nila ngadto sa City Council ang pagpalapad sa Pay Parking Zones ngadto sa kadalanan sa Rizal (gikan Pelayo hangtod C.M. Recto), Bonifacio (Pelayo paingon De Jesus), ug C. Bangoy (Bonifacio Rotonda ngadto sa San Pedro).
Hinuon gikanayon niini na imposible kining mahitabo karong tuiga diin karong 2020 gikusidera nila pa kining ‘trail phase’ diin dili lamanag makatabang sa pag generate og income sa dakbayan apan dakong tabang sa pag-organisar ug paggamit sa saktong kapasidad sa mga kadalanan.
Kahinumdoman nga adlaw’ng Huwebes, January 2, karong tuiga giimplemnta ang Public Pay Parking Zones sa kadalanan sa San Pedro, Ilustre, Pelayo, Iñigo, Villa Abrille, Monteverde, ug Duterte.
RadyoMaN Jason Amisola
