CAUAYAN CITY — NAGING MATIWASAY AT ORGANISADO ANG PAGDIRIWANG NG UNDAS SA SAN FRANCISCO CEMETERY NGAYONG TAON, NA UMAKIT NG LIBO-LIBONG BISITA MULA UMAGA HANGGANG GABI. SA KABILA NG MAINIT NA PANAHON.
TANGING ILANG KASO LAMANG NG MGA NALILIGAW SA PAGHAHANAP NG PUNTOD ANG NAITALA, NA AGAD NAMANG NATUGUNAN NG MGA NAKAANTABAY NA PERSONNEL. MAGING ANG DALOY NG TRAPIKO AY NANATILING MAAYOS SA TULONG NG MGA POLICE MULTIPLIERS AT VOLUNTEER GROUPS.
MAAGANG NAG-IKOT ANG MGA TAUHAN NG PNP AT PUBLIC ORDER AND SAFETY DIVISION (POSD) BILANG BAHAGI NG INSPEKSIYON PARA MATIYAK ANG SEGURIDAD SA LUGAR.
NAGDAOS DIN NG BANAL NA MISA ANG OUR LADY OF THE PILLAR PARISH BILANG BAHAGI NG PAG-ALALA SA MGA YUMAONG CAUAYEÑO.
SAMANTALA, NAGING AKTIBO ANG SUPORTA NG IBA’T IBANG ORGANISASYON. NAGHANDOG ANG 98.5 IFM CAUAYAN NG LIBRENG TUBIG, MERYENDA, AT BIMPO SA MGA DUMADALAW, HABANG NAGHANDOG NAMAN NG FOOD PACKS ANG SAMAHANG ILOCANO DISTRICT I CHAPTER.
AYON SA PAMUNUAN NG SEMENTERYO, MAHIGIT ISANG LIBONG LABI NA ANG NAKALIBING SA LUGAR, KABILANG ANG NASA APARTMENT-TYPE NA NITSO AT OSSUARY, DAHILAN UPANG DAGSAIN ITO LALO NA NGAYONG UNDAS. MAY ILANG BISITA RING NAGDALA NG SARILING HAGDAN PARA SA PAGLILINIS NG MATAAS NA BAHAGI NG MGA NITSO, NA KARANIWAN TUWING GANITONG PANAHON.
SA KABUUAN, IDINEKLARANG MAPAYAPA ANG PAGGUNITA NG UNDAS SA SAN FRANCISCO CEMETERY, NA MAY SAPAT NA PRESENSYA NG PULISYA, VOLUNTEERS, AT CIVIC GROUPS UPANG MASIGURO ANG KALIGTASAN AT KAAYUSAN NG PUBLIKO.
