Niadtong adlawa, (October 27, 2022) mismong si President Ferdinand “Bongbong” Marcos Jr. ang nanguna sa ground breaking ceremony sa pila ka dekada nang gipangandoy nga tulay.
Matud sa pangulo ang nasangpit nga proyekto mopakusog pa sa turismo, ekonomiya ug mapaduol sa katawhan ang tulay, edukasyon, pagpanarbaho ug uban pang government services.
Sumala niini, sa 2027 laumang mahuman kini aron makatabang diha sa mas sayon nga pagbiyahe ilabina ngadto sa mga nagpuyo sa pinakahilit nga dapit.
Mokantidad sa P23B, ang 3.98-kilometer bridge project nga magsumpay sa Samal Circumferential Road sa Island Garden City of Samal ug R. Castillo – Daang Maharlika junction sa Davao City.
Kauban sa pangulo sila Vice Presidente Sara Duterte, DPWH Secretary Manuel Bonoan, Chinese ambassador to the Philippines Huang Xilian, Mayor Sebastian Duterte ug uban pang national ug local officials sa seremonyas.
Nagpasalamat ang pangulo sa People’s Republic of China nga nagsilbing aktibong partner sa Pilipinas sa mga programa sa inprastraktura.
RadyoMaN Aimee Guinita
