Giawhag karon ni Deputy Regional Director for Administration PC/Supt. Edwin De Ocampo ang kapulisan nga magtrabaho subay na usab sa ilang gipanumpaan sa panahon nga sila misulod isip tipik ug kabahin na sa ilang trabaho sa Philippine National Police (PNP).
Ilabi na nga gipatas-an ang ilang mga sweldo ni pangulong Rodrigo Duterte aron sa ingon dili na magbuhat ug mga illegal gani sa pagkakaron nakita naman ang kausaban sa PNP.
Matod pa ni De Ocampo nga duha lang ang trabaho sa mga pulis mao lamang ang pag serbisyo ug pag protehir sa komunidad. Kay kung pananglit nga wala na sa serbisyo ang usa ka pulis parte na sila sa komunidad ug kinahanglan nga protektahan gayud ang komunidad.
Kini karon ang kanunay nila nga pag awhag sa mga kapulisan sa mga lugar nga ilang ma bisitahan sakop sa tibuok Zamboanga Peninsula nga magkahi-usa ug matinud-anon sa pagserbisyo.
Kung Police Officer ka kinahanglang nga ma mentenar ang kahapsay ug kalinaw sa imong area of responsibility ug kinahanglan nga mo duty ka kay parte naka sa komunidad saysay pa ni De Ocampo atol sa pakighinabi niining inyong tigbalita.
Lauman usab nga daghan pang mga kalambuan nga mabuhat ang kapulisan dili lang diri sa Zamboanga Peninsula kundili sa tibuok nasud sa Pilipinas.
