NAPOLCOM – Igapaidalum na sang National Police Commission (NAPOLCOM) sa summary hearing proceedings si Police Chief Inspector Aldren Lamera, Hepe sang Police Precinct Number 1.
Ini ang ginpahayag ni NAPOLCOM Investigator Allen Camering matapos makitaan sang probable cause ang kaso nga ginpasaka batuk kay Lamera sang isa ka non-uniformed personnel sang PP1 kasunod sang iya pag-wasay sa puwertahan sang opisina sa nasambit nga police station.
Suno kay Camering nga ginpadala na sang NAPOLCOM kag ginbaton na ni Lamera ang formal charge kon sa diin ginhatagan ini sang pito ka adlaw agud maghimu sang sabat.
Suno pa kay Camering nga sa tion mapamatud-an nga nakasala si Lamera, mahimo ini nga madismiss sa serbisyo ukon ma-demote sa iya rangko.
