Pormal na nga nagpungko bilang ex-officio member sa Sangguniang Panlalawigan si Philippine Councilors League South Cotabato Federation President Wilson Paclibar tal-os sa ila interim President nga si Councilor Teresito Zabala kadungan sang ginpatigayon nila nga regular session kahapon nga adlaw.
May-angot sini, iya ginpasiguro sa mga kaupdanan nga magasuporta siya sa anuman nga direksyon sang Sangguniang Panlalawigan para sa kaayuhan sang probinsya kag iya man ginsiguro kay Governor Reynaldo Tamayo Jr., nga indi siya sablag sa mga programa sini para sa katawhan.
Iya man nga ginakalipay suno pa ang pagbalik liwat sa Sangguniang Panlalawigan matapos nga una na nga nangin PCL president kag ginpaagi pa sa kanta ang mensahe nga ginpalab-ot sa mga kaupdanan nga mag-isa para sa kaayuhan sang probinsya.
Nahibaluan nga sa ginpatigayon nga PCL election sang Biyernes nga adlaw si Paclibar ang nagdaug batok sa kasumpong sini nga si Councilor Zabala.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
