Padayon ang pag-libot sa Presidential Communications Operation Office (PCOO) sa tibook nasud alang sa ilang mini caravan aron makahinabi ang nagkadaiyang mga press clubs.
Sa interview sa RMN DXMB Malaybalay ngadto kang ni Presidential Communications Secretary Martin Andanar nga unang gi-adtuan sa ilang grupo ang Cagayan de Oro, Cebu ug mga media organizations sa Metro Manila ug balik sa Cagayan de oro kagabie.
Matud ni Sec. Andanar, tumong sa maong caravan nga mapa-abot ang mga kampanya sama sa pagbatok sa disinformation ug manghatag usab sa mga media handbook for personal security nga tanyag sa Presidential Task Force on Media Security o PTFoMS.
Gikumpirma usab ni Sec. Andanar nga kauban na usab sai lang caravan ang information campaign kalabot sa Pederalismo nga gihingusgan ni Pangulong Rodrigo Duterte.
Mahinumdumang isip communication agency sa gobyerno, gibutyag ni Andanar nga usa sa mga gitutukan sa PCOO kaabag ang gimugnang PTFoMS ang kaluwasan sa mga magsisibya sa nasud nga maoy usa usab sa mga nag-unang kamanduan ni Pangulo Duterte human nga sugod sa pagkapangulo.
