PCPC South Cotabato liwat nga gindeklarar nga most functional sa bug-os nga rehiyon 12.

Nakuha na naman sang South Cotabato sa ikalima ka bes ang Most functional Provincial Council for the Protection of Children sa bug-os nga rehiyon dose base sa resulta sang ginpatigayon nga evaluation sang Regional Inter-Agency Monitoring Task Force paagi sa Department of Interior and Local Government ukon DILG 12.
Suno kay South Cotabato Board Member Ester Marin Catorce, PCPC Action Officer nakakuha sang 103.44% ang South Cotabato tungod sa nakuha nga bonus points sa diin nakadugang sang puntos ang pagdugang sang representative halin sa children, IP kag muslim sector, sobra ang ginpatigayon nga mga pagsinapol imbes nga quarterly lang kag gindala tubtob sa mga kabaranggayan ang mga programa para sa mga kabataan.
Ang kadalag-an nga ini suno sa PCPC Action Officer ang tungod sa suporta sang local nga panggobyerno, kooperasyon sang mga non – government organization kag iban pa nga government agencies nga miyembro sang PCPC.
Lakip sa criteria nga ginbasehan sa evaluation ang organization, meetings, policies, plans and budget, policies approved by Sanggunian kag accomplishment.
Samtang posible natalana ang awarding sa bulan sang Nobyembre kadungan sang Childrens month celebration kag ang mabaton lang sang probinsya amo ang plaque.