Davao City – Wala naputol ang tabang ug ayuda sa Philippine Charity Sweepstakes Office (PCSO) taliwala COVID-19) pandemic.
Atol sa One Davao on COVID-19 Virtual Presser, gibutyag ni Virgilio Enrique-Abanilla, Branch Head sa PCSO Davao del Norte nga mihatag ang PCSO og P50M sa Southern Philippine Medical Center (SPMC) samtang P30M sa Davao Regional Medical Center (DRMC) sa Davao del Norte ug uban pa’ng mga ospital nga magamit sa ilang COVID-19 response.
“Pag-undang sa atoang pagsulod sa kwarta kay wala may laing revenue ang PCSO kundili ang padula, wala (ta) niundang og hatag og hinabang,” saysay ni Abanilla.
Dugang ni Abanilla, mihatag usab ang PCSO Davao del Norte ug patient’s transport vehicle sa mga lain-laing munisipyo sa syudad sa Tagum.
Gibutyag sa PCSO official, ilang gikuha ang pondo sa ilang charity fund ug gigamit ang ilang savings sa pagtabang luyo sa pagpaundang sa mga padula panahon sa mga lockdowns sa pagsugod sa COVID-19.
RadyoMaN Kirby Manzon
