Naglab-ot sa halos Php 64 billion ang pondo nga natipon sang Philippine Charity Sweepstakes Office (PCSO) sang 2018 kon sa diin 20% ini nga mas mataas ikumpara sa ila total generated revenue sang 2017 nga naglab-ot sa halos Php53 billion.
Sa datos sang PCSO , nagtaas ang ila kita sa tanan nga lotto/number games magluwas sa keno.
Nagpanguna ang lotto kag digit games sa may pinakadako nga revenue nga nakalista sang halos Php32 billion nga ginsundan naman sang small town lottery o STL nga nakatipon sang Php26 billion kag instant sweepstakes nga P1.1 billion nga revenue sang nagligad nga tuig.
Bangud sini, nakalista sang 27% increase ang mga nabuligan nga pasyente sang PCSO halin sa medical assistance program, hospitalization kag paghatag sang medical expenses.
