General Santos City—gipasigarbo ni PDEA-12 Regional Director Gil Cesario Castro atol sa gihimong Regional Anti Illegal Drug Summit nga gipahigayon sa South Cotabato sa nakalabayng adlaw nga sa mukabat 99.56 percent barangay sa tibuok rehiyon nga apektado sa illegal nga droga anaa na sa 73.55 percent ang drug cleared barangay sa rehiyon.
Nasayran nga sa 1,158 ka mga barangay sa rehiyon 12 anaa lang sa .44 percent ang dili apektado sa droga.
Sumala ni Director Castro nga sa kasamtangan mas gipahugtan pa nila ang ilang kampanya batok illegal nga druga tungod iyang tumong nga ayha siya muhawa sa PDEA-12, mahimong pinakaunang rehiyon ang region 12 nga madeklarang drug cleared region sa tibuok nasud.
dugang pagbutyag ni castro nga ubay ubay na ang ilang gihimong operasyon ug ubay ubay na usab ang ilang nasikop nga mga personahe nga lambigit sa iligal nga droga.
Nasayran nga mukabat na sa 220 ka mga tawo ang ilang nadakpan lakip na dinhi ang mga makonsiderang dagkong personalidad nga lambigit sa illegal drug activity.
