General Santos City–Gilatag sa PDEA Regional Office 12 ang ilang accomplishment sa ilang kampanya batok iligal nga droga sa rehiyon niadtong tuig 2019.
Matud ni PDEA-12 Regional Director Naravy Docquiatan nga mukabat sa 1, 652 ka anti-illegal drug operation ang ilang nahimo sulod sa usa ka tuig.
Sa maong ihap mukabat sa 1,108 ang ilang naaresto ug bukabat sa kapin 20 million pesos nga kantidad sa iligal nga droga ang ilang narekober gikan sa ilang dinakpan.
Tungod sa daghang accomplishment nga nahimo sa PDEA-12, dili kumbinsido si Director Naravy Docquiatan nga failure o pakyas ang kampanya sa administrasyong Duterte batok iligal nga droga.
Sumala niini nga sa region 12, halos 900 na ka mga barangay ang nadeklarang drug cleared.
Karong tuiga, mas pakusgan pa nila ang ilang kampanya batok illegal drugs ug ilang imonitor ang mga drug surenderee aron masigurong dili na sila mobalik sa paggamitan o pagpayuhot ug iligal nga droga.
