General Santos City—Gikumperma ni Kath Abad ang tigpamaba sa PDEA Regional Office-12 nga aduna na silay nadawat nga mga body camera alang sa mas gipakusgan programa ni President Rodrigo Duterte sa war on drugs.
Si Abad nagkanayon nga sa kasamtangan duna na silay lima ka mga body cam gikan sa PDEA National Headquarters.
Ang maong mga body camera ang gamiton sa matag operasyon sa PDEA-12 tumong aron nga masiguro nga walay bayolasyon nga makomitar ang operatiba sa ilang mga Anti-Drug Operation ug labaw sa tanan masiguro nga lihitimo ang ilang mga operasyon.
Unang paggamit nila ug body camera atol sa ilang gihimong operasyon sa Baragay Ambalgan, Sto. Niño, South Cotabato niadtong nakalabayng adlaw.
Daku matud pa nga tabang ang body cam aron usab nga masiguro sa katawhan nga lihito ang ginahimong operasyon sa pdea ingon man mamahimo usab kining proteksyon sa mga drug suspect nga dili sila matamnan ug ibidensya.(Dave Silagan)
(Photo From Web)
