Gin-ako ni Philippine Drug Enforcement Agency ukon Pdea 12 Regional Director Gil Cesario Castro nga problema naman nila sa subong ang pagginutok sang mga detainees sini sa detention facility.
Suno kay Castro yara lang sa 10 ang kapasidad sang ila nga detention cell apang nagalab-ot sa subong sa masobra 50 ang ila nga mga detainees tungod sa nagapadayon nga drug operations.
Apang iya ginapasiguro nga indi ini sablag sa ila mas ginpabakod pa nga drug operations sa rehiyon.
May-angot sini iya man nga ginahingyo sa mga korte suno sa Pdea Regional Director nga dasigon ang pagpaggwa sang commitment order agud nga maaddress ang kagutok sa ila detention facility.
Facebook Comments
