PDEA-7 kayahon gyud ang tahas nga mangu sa operasyon kontra druga

37

Nadawat na sa Philippine Drug Enforcement Agency -7 ang mando gikan ni Presidente Rodrigo Duterte nga sila na ang mangu sa paglusad ug anti-illegal drug operation .
Matud sa Officer in Charge sa PDEA-7 Atty. Ana Lynn Hernandez- Nob kayahon nila ang dakung tahas , bisan sa kagamay sa ilang mga personnel ,subay sa mando sa presidente .
Bisan kung ang PDEA ang mangu sa giyera batok sa drugas apan ang ubang mga ahensiya sa gobyerno nga sakop sa Inter –Agency Committee on Anti-Illegal Drugs kon ICAD , andam gihapon nga moabag kanila .
Moabot sa 21 ka mga ahensiya sa gobyerno ang maglangkob sa ICAD apil na niini ang Philippine National Police ug Armed Forces of the Philippines .
Mahimo pa gihapong makadakop ang kapolisan ug mga drug personalities apan di na maoy moplano ug molusad sa mga operasyon kung dili ang PDEA na.

Facebook Comments