Davao City – Giangkon sa Philippine Drug Enforcement Agency (PDEA-XI) nga sagad sa droga nga ania sa nasud gikan sa gawas tungod kay maglisud na sila sa paghimo niini dinhi tungod sa hugot nga kampanya sa gobyerno.
Sumala ni PDEA-XI Information Officer Noli Dimaandal, dili gyud mabantayan tanan diin aduna gayuy makalusot tungod kay ang mga drug syndicates mismo mangita ug paagi aron makasulod.
Nagtoo ang information officer sa PDEA-XI nga adunay mga kakonsabo sa drug syndicates sulod mismo sa gobyerno tungod kay makasulod man gihapon ang maong kontrabando.
Tungod niini padayon silang nanawagan sa katawhan nga motabang pinaagi sa pagreport sa mga awtoridad kung adunay mahibaw-ang kalihukan sa ilang lugar kabahin sa illegal drugs.
RadyoMaN June Duterte
