General Santos City—gipasalamatan ni PDEA-12 Regional Director Gil Cesario Castro ngadto sa mga LGU’s sa Rehiyon-12 nga nagsuporta kaniya ug nagsalig sa iyang katakos isip Regional Director sa Police Regional Office-12.
Nasayran nga bag-uhay lang si South Cotabato Governor Daisy Avance Fuentes ug gobernador sa North Cotabato nag butyag nga buot nilang magpabilin sa PDEA-12 si Director Castro tungod sila nagtuo nga si Castro lang ang makasulbad sa problema sa naghitak nga operasyon sa droga sa Region-12.
Niadtong lunes, nagpadala ug suwat si Governor Fuentes ngadto sa Sangnuniang Panlalawigan sa probinsya alang sa pagmugna ug resulusyon nga hangyuon ang Central Office sa PDEA nga dili i- relieve si Castro.
Mao usab kini ang gihimo sa gobernador sa North Cotabato. Samtang unang mihimog samang resulusyon ang Sanguniang Panlalawigan sa Sarangani gumikan sila nakauyon usab sa mas gipakusgang kampanya batok iligal nga druga ni Director Castro.
Tungod niini dako ang nahimong kalipay sa opisyal tungod iyang napamatud-an nga nakit-an sa mga lokal nga panggamhanan sa rehiyon ang iyang pagpaningkamot nga masanta ang iligal nga droga sa rehiyon.
