Ginbuyagyag karon ni PDEA 6 Director Alex Tablate nga apektado sang illegal nga druga ang 37 tanan nga mga bilangguan sa rehiyon 6.
Sa ginhiwat nga Regional Oversight Committee Meeting on Drug Free Jail Facility, ginhimo ni Tablate ang nasambit nga rebelasyon.
Ginpahayag ni Tablate nga padayon ang illegal drug trade sang mga durugista nga nagkaladakpan na kon sa diin naga-umpisa ang transaksyon sa sulod sang prisuhan kag sa guwa naman ginahimo ang baligya-anay.
Bangud sini, naghisugot ang mga katapo sang Oversight committee nga maghiwat sang drug clearing operation sa mga jail facilities agud matapna ang pagduging sang illegal nga druga sa mga prisuhan.
Sa idalum sang Drug Clearing, pasangkaron sang Oversight committee ang Greyhound operations kag ipaidalum sa drug test ang mga priso lakip na ang mga jail guards sang BJMP.
