* ILOILO CITY -* Gin-athag sang Philipine Drug Enforcement Agency kag Iloilo City Police Office nga wala sa ila listahan si Mayor Jed Patrick Mabilog kag iban pa nga city officials kon illegal drugs ang hambalan.
Suno kay PDEA 6 Dir. Atty. Gil Pabilona, base sa ila record wala si Mabilog sa ila listahan.
Sa bahin naman ni IPOC Dir. S/Supt. Remus Zacharias Canieso, mga elected barangay officials lang ang ara sa ila listahan.
Pahayag ni Canieso nga manubo sa pulo ka barangay officials ang ara sa ila listahan.
Samtang gin-athag man nanday Canieso kag Pabilona nga wala sila sang bag-o nga drug personalities nga namonitor kasunod sang kamatayun ni Melvin Odicta Sr. kag asawa sini nga si Miriam.
Ginkumpermar ni Pabilona nga amo man sa gihapon ang listahan nga ila ginaoperate kag wala sang nagdugang diri.
Ginsiling man ni Canieso nga amo sa gihapon nga mga high value targets kag street level pushers ang ila ginaoperate.
