Malampusong nadakpan sa gipahigayon nga drug buy-bust operation sa mga kapulisan ang usa ka estudyante nga gikatahong target sa Philippine Drug Enforcement Agency (PDEA) sa pagpayuhot sa illegal nga droga pasado alas 12:45 kaganiha sa kadlawon didto sa Purok Demokrasya, Salawagan, Quezon, Bukidnon.
Giila ang suspek nga si Ian King Joshua Econar, top 4 sa listahan sa PDEA sa probinsya sa mga drug personalities, ulitawo, estudyante, ug residente sa Purok Masigla, Salawagan, Quezon, Bukidnon.
Narekober gikan sa suspek ang muabot sa lima ka mga pakete sa gituohang drogang shabu, P500 bill nga buy-bust money, ug usa ka unit sa Vivo nga cellphone.
Mukabat sa P3,400.00 ang gibana-banang kantidad sa gituohang drogang shabu nga mutimbang og 0.5 gramos.
Gikustodiya karon sa Quezon Municipal Police Station ang suspek samtang giturn-over sa hingtungdang ahensiya ang mga drogang shabu nga nakompiska alang sa eksiminasyon.
Kasong paglapas sa RA 9165 kon Comprehensive Dangerous Drugs Act of 2002 ang dinakpang suspek.
Facebook Comments
