Davao City – Upat sa 182 ka mga barangays sa dakbayan sa Davao ang gilaumang malimpyu o mahimong cleared na sa iligal nga droga.
Kini maoy gibutyag ni Philippine Drug Enforcement Agency XI Regional Director Antonio Rivera apan sa karon wala pa gipagula sa PDEA XI og unsa kini nga mga lugara sa dakbayan.
“Naa pay pending nga mga submission of the requirements so dili pa-nato ma-declare,” segun ni Rivera.
Dugang niini, nakigpulong si Rivera sa tanang station commanders ug pipila ka mga Brgy. Chairman sa lungsod kalabot sa parameters ug guidelines gikan sa Dangerous Drugs Board sa paglusad sa Barangay Anti-Drug Clearing operations.
“We cannot just rush on declaring a certain barangay as cleared kung dili nila to ma-cope up ang certain parameters o guidelines. We have to be very careful about it kay ang gusto namo ang clearing barangay against illegal drugs must be true to form kanang tinud-ananay gyod,” sumala ni Rivera.
Gitataw ni Rivera nga dili lang trabaho sa PDEA ang pagkab-ot nga mamahimong luwas sa droga ang usa ka lugar apan gikinahanglan nga magtinabangay gayod ang tanan sa pagsuporta sa pagpakgang kini nga nagpadayong suliran.
“When we talked of nga makaya natong ma-declare nga cleared katong sa mga outskirts barangays nga duha o tulo kabuok ang mga na-identify nga mga drug users we can immediately put or give intervention sa ila tapos ma-maintain lang nato nga wala nay watch lists sa ilang area that will be the basis for clearing them,” matud ni Rivera.
Segun ni Rivera dili dayon basta-basta nga ma deklarang drug-free ang mga lugar sa city proper.
“For urban area such as diri sa Poblacion or neighboring barangays sa Poblacion medyo malabo siguro kay naa dinhi ang mga tao pero it would be a gargantuan efforts on the part of the barangays, BADAC, CADAC, sa PDEA ug sa pulis nga ma-declared nato ning Boulevard as drug cleared next to impossible na siya pero kung kayahon gyod makaya na siya,” dugang sa PDEA Regional director.
RadyoMaN Aimee Guinita
