Davao City – Giingong misukol-patay ang usa ka lalaki sa gikasang buy bust operation sa Sasa PNP ala 1:30 sa hapon kagahapong adlawa, Agosto 28 sa Purok 26 Barangay Lizada Proper, Toril, Davao City.
Sa report gikan sa Sasa PNP, giingong misukol sa usa ka otoridad ang giilang tulak sa droga nga si Rojay Balangao Lucerna alias “Bogart”, 39 anyos ug giingong negosyante og krudo samtang nasikop ang bayaw ug asawa niini sa paggamit og iligal nga droga nga sila Daisy Lumpaya Gumanoy, 37 anyos, Ken Balangao Lucerna, 33 anyos, ug Ephraim Bunayog Saavedra, 42 anyos, residente tanan sa nasangpit nga lugar.
Nakuha gikan sa mga dinakpan ang mga sachet sa gituohang shabu, buy bust money ug drug paraphernalia ug mag atubang og kasong adunay kalapasan sa RA 9165 kun Comprehensive Dangerous Drugs Act of 2002.
RadyoMaN Renz Barbarona
