Davao City – Mokabat sa 499 na ka mga barangays sa Region XI ang gideklara sa Philippine Drug Enforcement Agency ( PDEA) XI nga drug- cleared gikan 2017 hangtod September 2021.
Sumala ni Noli Dimaandal, PDEA XI spokesperson, 27 ka barangays ang wala nay presensiya sa illegal nga droga sa Davao City, 85 ka barangays sa Davao del Sur, 96 sa Davao del Norte, 92 sa Davao Oriental, 70 sa Davao Occidental ug 129 sa Davao de Oro.
Niagi og metikuloso ug makuti nga proseso mga barangays aron makapasar sa parameters sa Dangerous Drugs Board.
Matud ni Dimaandal, aron makonsiderang drug cleared ang usa ka lugar, kinahanglan nga walay supply sa droga ang usa ka lugar, walay presensya sa user ug pusher, walay marijuana cultivation site.
Subay niini aktibo dapat ang usa ka barangay sa Anti-Drug campaign program ug adunay intervention program para sa mga People who used drugs (PWUD).
Gibutyag niini aron dili matanggal o ma-revoke ang ilahang mga drug cleared status, kinahanglang nga hugot gihapon ang ilahang monitoring ug siguraduhong dili masudlan og illegal drug activities ang ilahang mga lugar.
RadyoMaN Aimee Guinita
