Sa datus sa PDEA XI, pito ka mga munisipyo ang gideklarang drug cleared nga gilangkuban sa Malita, Sta. Maria sa Davao Occidental, Malalag sa Davao del Sur, San Isidro, Talaingod sa Davao del Norte, Mawab, Davao de Oro ug Boston sa Davao Oriental.
Sumala sa PDEA XI, ang maong mga munisipyo nakapasar sa tanang rekisitos nga gilatag sa Regional Oversight Committee on Municipal Drug Clearing lakip na niini ang pagbaton og Balay Silangan Drug Formation Center.
Samtang, sa interbyu sa DXDC RMN Davao kang Police Col. Giuseppe Geralde, Provincial Director Davao del Sur Police Provincial Office, lauman nga anaa sa lima hangtud unom ka munisipyo sa paghuman sa Disyembre 2022 ang ma-clear na sa droga.
Sumala ni Geralde, opisyal nga nadeklarang drug-free na ang munisipalidad sa Malalag samtang ang Matan-ao ug Hagonoy bisan pa man ang tanang barangays niini ang limpyo na sa droga dili pa gayod kini hingit nga madeklarang drug free tungod sa mga personalidad nga anaa sa drug watchlist ang kinahanglan pang ma-enroll sa Community-Based Rehabilitation Aftercare Program (CBRAP).
“Ang ginawa natin is tumulong talaga tayo, nag-provide tayo ng personnel na magtutok to include iyong pagtulong sa LGUs at sa barangays kung ano ang iyong mga requirements na kailangan nila. Iyong lahat ng personalities na andon sa listahan natin na-involve sa drugs kinausap natin para mag-join sa CBRAP, halos lahat nag join naman kasi police na ang pumunta sa kanila,” matud ni Geralde.
Gipasigarbo ni Geralde, nakab-ot na nila ang 80% sa 223 ka Barangays sa probinsya sa Davao del Sur nga ma-clear sa droga nga requirement sa PNP.
RadyoMaN Aimee Guinita
