Sa interbyu sa DXDC RMN Davao kang Alex Roldan, DILG-XI Regional Director, gibutyag niya sa Davao Region, kinse (15) ang makadawat sa maong award diin sa Provincial level mao ang Davao del Norte ug Davao Oriental. Sa City category mao ang Mati, Digos, ug Island Garden City of Samal (IGaCoS).
Samtang, sa Municipality level mao ang Maragusan, Monkayo, ug New Bataan sa Davao de Oro; Bansalan, Matanao, ug Sulop sa Davao del Sur; Don Marcelino sa Davao Occidental; ug Banaybanay, Lupon, ug San Isidro sa Davao Oriental.
Matud sa DILG-XI official, ubay-ubay ka mga rekisitos ang gibasehan aron masakmit ang maong award ug hagit usab kini aron maningkamot ang ubang lokal nga panggamhanan.
“In terms sa number of local government ug kadtong nipasar, taas gihapon ang Region XI bisa’g kinse ra ‘ta kabuok tungod kay kwarenta ra man ‘ta kapin ka mga local government unit. Ang pinakabasehan gyud ani kadto atong requirement sa Code on Local Governance. Maayo ang pag-handle sa pondo. Ang atong disaster management naa. Naa ‘tay mga tao nga na-involve niana,” sulti ni Roldan.
RadyoMaN Kirby Manzon
