Davao City- Pormal na nga mulingkod ugmang adlawa si Retired Police Supt. Antonio Rivera isip bag-ong Regional Director sa Philippine Drug Enforcement Agency kun PDEA XI.
Sumala ni PDEA XI Spokesperson Noli Nephi Dimaandal nga nangandam na ang mga personahe sa PDEA aron sa pagsaksi ugmang adlawa sa pag-assume sa nahisgutang opisyal.
Dugang ni Dimaandal, gikalipay nila ug hugot ang ilang suporta sa bag-ong Regional Director hulip kang Adzhar Albani kinsa nag-schooling karon sa gawas sa nasud.
Subay niini, dili mapasalig sa incoming PDEA XI RD nga walay mapatay sa himuong operasyon batok iligal nga droga diin sumala ni Rivera ug kung musukol ang target, dili magduha-duha ang ilang personahe sa pagdepensa.
Kahinumdom nga si Rivera, usa ka kanhi chief sa Davao City Police Office kun DCPO Investigation and Detection Management Branch (IDMB), nahimong hepe sa San Pedro Police Station ug nahimo usab nga tigpamaba sa Police Regional Office (PRO) XI.
RadyoMaN Don Pulayao
