PDEA XI: Intel monitoring pakusgan human na-dismantle ang shabu lab

24

Davao City – Palapdan sa Philippine Drug Enforcement Agency (PDEA- XI) ang ilahang inbestigasyon sa na-dismantle nga shabu laboratory kun kitchen type clandestine laboratory sa Purok Bagani, Cuambogan, Tagum City.

Gibutyag ni PDEA XI Regional Director Antonio Rivera, narekober sulod sa maong balay nga kanhi gipanag-iyahan sa usa ka Marivic Wong Tan Casis, detainee sa Tagum City Jail nga adunay kasong RA 9165 tungod sa P10M nga gituohang shabu.

Segun ni Rivera, gawas niini adunay mga papeles sulod sa giingong laboratoryo nga gamiton karon sa pagpalawom pa sa ilang inbestigasyon ug pagpakusog pa sa ilang anti-illegal drug operations sulod sa Davao Region.

“Naga-backtrack nami kay naa man tay mga nakuhang dokumento ug mga resibo didto kung diin asa nila napalit to,” sumala ni Rivera.

RadyoMaN Aimee Guinita

Facebook Comments