Davao City – Anaa sa 323 ka mga barangay sa Davao Region ang gideklarang ‘drug-cleared’ alang sa tuig 2019.
Kini mao ang gibutyag ni Philippine Drug Enforcement Agency (PDEA) Region 11 spokesperson Noli Dimaandal kinsa nagkanayon nga hinay-hinay nang nakab-ot sa gobyerno ang kadaugan sa kampanya batok iligal nga droga.
Sa datos sa PDEA-XI, gideklarang ‘drug cleared’ ang upat ka mga barangay sa syudad sa Davao nga mao ang Brgy. Pangyan, Dacudao, Saloy ug Inayangan; 20 ka mga barangay usab ang gawasnon na sa droga sa Davao del Sur; 44 sa Davao del Norte; nadungan og duha sa Davao Oriental; ug 38 sa Davao de Oro.
Samtang sa susamang tuig usab, 1, 574 ka mga indibidwal nga gadula og droga ang nasikop sa PDEA diin anaa sa tulo ka kilo o 3,992.67 gramos sa shabu, 48,000 grams sa marijuana, ug 47 kilos sa cocaine nga mukantidad sa kapin P300M ang nakumpiska.
Sumala ni Dimaandal nga gawas sa ginapakitang kadasig sa PNP ug ubang ahensiya sa gobyerno sa ‘war on drugs’ sa Duterte administration, dakong tabang usab ang pagka-‘empowered’ sa komunidad sa maong kampanya sanglit dinhi naggikan ang mga impormasyon aron masikop ang mga suspek sa iligal nga droga.
“Let’s do our part on the illegal drugs and let’s make our region or our country a drug-free country to live in,” awhag sa tigpamaba sa PDEA-XI.
RadyoMaN Jason Amisola
