Davao City – Gikasohan na ang usa ka empleyado sa gobyerno ug duha ka kauban niini human naaktuhan nga nag-drug session atol sa pag-raid sa drug den sa Barangay Dahican, Mati City, Davao Oriental alas 9 sa gabii, Mayo 17, 2023.
Sa report sa Philippine Drug Enforcement Agency (PDEA)-XI, ang naarestong emplyeyado mao si Eric Lanaban, job order sa Provincial Capitol sa Davao Oriental.
Nakuha atol operasyon ang gituohang shabu nga mukantidad og kapin P40,000.
Sa interbyu sa DXDC RMN Davao kang Noli Dimaandal, tigpamaba sa PDEA-XI, sagad rason sa mga trabahante sa gobyerno nga malambigit gihapon sa droga mao ang ilang adiksyon sa maong butang.
“Without knowing that if they are hooked into illegal drug activities lalong lalo na yung government official/employee, as stated sa section 28 ng RA 9165 (Comprehensive Dangerous Drugs Act of 2002), pag sila ang madakpan nga naa sa government, the maximum penalty shall be imposed,” sulti ni Dimaandal.
RadyoMaN Kirby Manzon
Facebook Comments
