Sa interview sa DXDC RMN Davao kang Noli Dimaandal, PDEA-XI Spokesperson gibutyag niini nga subay sa Board Regulation No.13 series of 2018 nga dunay atubangon nga sanction batok sa mga empleyedo nga mag positive sa drug test.
Gipasabot sa opisyal, lakip sa mataktak sa serbisyo ang mga opisyal sa PDEA-XI, regular sa trabaho sa gobyerno, job order ug mga casual nga makalapas usab sa grave misconduct ilawom sa maong balaod.
“Naa man tay mga intervention program pero kung nag positive na diha nga gipahigayon ang drug testing, kana murag naa nay sanction ana”, sulti ni Dimaandal.
Kahinumduman nga kapin 300 ka Traffic Enforcers sa City Transport and Traffic Management Office (CTTMO) ang gipailawom sa drug test niadtong milabay’ng semana sa syudad sa Davao aron masayran kung aduna bay personahe nga nagagamit og illegal nga droga.
RadyoMaN Don Pulayao
