Davao City- Plano sa Philippine Drug Enforcement Agency nga magmungtar og provincial offices karong tuiga sa lima ka probinsiya sa Davao Region.
Kini ang usa sa mga giluwatang pamahayag ni PDEA director general Aaron Aquino atol sa iyang pagbisita sa PDEA XI office dinhi sa syudad sa Davao.
Sumala ni Aquino nga ang lima ka probinsiya nga planong butangan og opisina mao ang Davao del Norte, Davao del Sur, Davao Occidental, Davao Oriental ug Compostela Valley Province.
Sumala niya nga ang Comval, Davao del Norte lakip ang Davao Occidental ang labihang apektado sa iligal nga droga.
Giingon ni Aquino nga magdugang usab og personahe sa PDEA XI sa lima ka mga probinsiya aron paspas ug mapadali ang ilang operasyon kontra sa illegal drugs.
RadyoMaN Don Pulayao
