General Santos City— Padayon ang ginahimong pag-monitor sa PDEA 12 ngadto sa mga opisyal sa barangay dili lang sa dakabyan kundili sa tibuok rehiyon sa mga posibleng lambigit sa illegal nga droga.
Pagpa-klaro ni Kath Abad, tigpamaba sa PDEA 12 nga gawas sa mga narco politicans, padayon ang ilahang ginahimong pagmonitor ngadto sa mga sibilyang lambigit sa illegal nga aktibidad.
Apan gibutyag niini nga ilahang ginatutukan ang mga opisyal tungod makonsidera matud pa silang high value target gumikan sa ilahang mga posisyon nga nahuptan.
Dugang pamahayag ni Abad nga padayon ang ilahang kampanya batok illegal nga droga hilabina nga patapos na ang tuig. Kung asa gihingusgan niini nga dili mag-relax ang PDEA 12 sa mga operasyon sa droga bisan ug panahon sa pasko ug bag-ong tuig.
Sumala niya nga adunay unit ang PDEA nga nagatutok gyud sa demand reduction pnaagi sa paghatag ug lecture ngadto sa mga tunghaan, opisina ug uban pa kabahin sa epekto sa illegal nga droga.
Gipasigarbo man usab ni Abad ang resulta sa gihimong assessment sa mga accomplishment sa PDEA 12 karon nga uig kung asa migawas nga nalabwan niini ang mga accomplishement sa milabay’ng tuig.
Kini matud pa nagpasabot lang nga epketibo ang ilahang kampanya batok illegal nga droga. Usa matud pa sa pamatuod niini ang hilabihang kamahal na sa supply sa droga base na usab sa resyo sa mga street level pusher.
