General Santos City— Gipaklaro ni PDEA 12 Director Valente Cariño nga gimanduan sa palasyo sa Malakanyang ang buhatan sa PDEA nga hinganlan ang mga pulitkong anaa sa narco-list.
Sumala niya nga sa karon nakig-alayon na sila sa Department Of Interior And Local Government kon DILG gumikan aduna usab kini ipagawas nga kaugalingong listahan sa mga nahilambigit sa illegal nga droga.
Dugang pamahayag ni Director Cariño nga dili lang gikan sa buhatan sa PDEA ang listahan sa narco-list kundili ubay-ubay nga ahensya ang nagsuta ug nag-verify niini. Ayha matud pa mugawas ang pinal nga listahan, gi-validate una ang mga pangalan aron masigurong dili masagulan ug pulitka ang maong listahan.
Suportado man usab niini ang lakang sa national headqaurters batok illegal nga droga hilabi na pagpagawas sa mga pangalan ngadto na sa publiko.
