PDEA12, magpadayon s aoperasyon batok droga human ang pagpangambush

10

General Santos City— Dili muundang ang PDEA 12 sa ilahang trabaho sa pagsumpo sa illegal nga droga human ang nahitabong pagpangambush mga personahe sa PDEA-ARMM sa Lanao Del Sur nga gikamatay sa unom ug pagka-angol sa usa.

Sumala kang Kath Abad, tigpamaba sa PDEA 12 nga parte na sa trabaho sa mga personahe sa PDEA ang mabutang sa alanganin ang ilahang kinabuhi hilabina nga daghan sila ug mabanggaan sa kampanya batok illegal nga droga.

Saysay pa niini nga magpadayon sila sa paghimo sa ilahang mandato apan kinahanglan matud pa nga mag-doble usab sila sa pagbantay sa ilahang siguridad.

Dugang pamahayag ni Abad nga aduna nay gipakanaug nga protocol ngadto kanila ang National Headquarters apan nagdumili kini nga ibutyag.

Apan gipaniguro niya nga walay magbag-o sa ilahang mga operasyon kung asa giplauhan nga magdugang sila ug security aron sa pagbantay sa siguridad.

Sumala niya nga bisan asang dapit sa nasud, dili gyud malikayan nga adunay mga agkong lambigit sa droga ang ligsan. Hugot man usab nga gikondina sa pdea 12 ang maong panghitabo.

Facebook Comments