Wala pa ginahambalan karon sang partido PDP-LABAN kon sin-o ang mangin kandidato sa pagka-gobernador sa probinsya sang Iloilo sa masunod nga eleksyon sa 2019.
Ginpahayag ni Congressman Richard Garin nga sa karon ginatutukan anay sang partido ang membership kon sa diin nagalibot ini sa nagkalain-lan nga probinsya agud magpasumpa sa mga luyag magsulod sa partido.
Subong man gin-athag ni Garin nga pananglitan magpili na sila sang mangin kandidato sa eleksyon, maga-agi ang tanan sa proseso.
Suno sa iya nga pila sa balasehan sang pagpili sang opisyal nga kandidato amo ang rekomendasyon sang mayoriya sang mga miyembro, ang winnability sang kandidato kag loyalty sini sa partido.
Ginhimo ni Garin ang pahayag kasunod sang pagsumpa nila kahapon sa PDP-LABAN upod sa kapin 4 mil ka mga municipal kag barangay officials sa first district. (sspunay)
