Naka-lockdown pa hangtod karon ang Provincial Detention and Rehabilitation Center kon PDRC ning probinsya sa Bukidnon.
Sa interview sa RMN Malaybalay ngadto kang Provincial Jail Warden Allan Gurrea, gibutyag niini nga ang mao nga lakang aron ma-protektahan ang mga persons deprived of liberty kon PDL’s gikan sa hulga sa COVID-19.
Matud ni Gurrea nga usa sa ilang measures nga gihimo mao ang pag-dili una sa pagdawat sa mga bisita sa mga inmates.
Naghulat pa sila ug advice gikan sa Inter agency Task Force kon AITF kung kanus-a pwede nang mudawat ug mga bisita ang PDRC.
Sa karon, dili pa siya muhatag ug abiso sa publiko tungod kay nag-agad sila sa desisyon sa IATF.
Nag-awhag usab ang provincial warden sa pagsabot sa publiko ilabina kadtong adunay direktang pamilya sa mga inmates.
Gipasabot niya nga ang mao nga lakang tungod ug alang sa kaayuhan sa mga detinado.
