Nagpasar sang duha ka resolution ang Provincial Disaster Risk Reduction and Management Council South Cotabato sa ginpatigayon nga emergency meeting kahapon nga adlaw bilang aksyon sa natuga nga danyos sang 6.6 kag 6.5 magnitude nga linog dire sa probinsya.
Una ang rekomendasyon nga ipaidalom ang probinsya sa state of calamity kag pag-alokar sang dos milyones ka pesos para sa ihatag nga ayuda sa mga biktima sang linog sa probinsya sang North Cotabato matapos nangayo sang augmentation ang provincial government.
Suno kay South Cotabato Governor Reynaldo Tamayo Jr., gilayon nila nga ipadala ang ayuda nga ihatag kapareho sang tent, food supplies kag iban pa nga kinahanglanon.
May-angot sini, kahapon nga adlaw nagpatigayon sang special session ang Sangguniang Panlalawigan para hisgutan ang deklarasyon sang state of calamity kag paghatag sang ayuda sa mga biktima sang linog sa North Cotabato.
Samtang lakip man sa gintalakay sa ginpatigayon nga pagsinapol ang contingency plan sa South Cotabato Provincial Hospital kag Provincial Jail sa tion sang mabaskog nga linog nga plastado naman kag handa ang responders sa anuman nga kalamidad nga mag-abot sa probinsya.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
