Ginapareport subong nga semana sang Provincial Disaster Risk Reduction and Management Office South Cotabato ang mga Municipal Agriculture Office kag subong man Municipal/City Disaster Risk Reduction and Management Office ang resulta sang ginapatigayon nila nga rapid damage assessment analysis ukon RDNA sa natuga nga danyos sang dry spell sa ila nga area of responsibility.
Suno kay PDRRM Action Officer Mila Rivera ini agud nga mapresentar nila ang datos sa patigayunon nga first quarter PDRRMC meeting agud nga maplastar ang mga intervention kag ihatag nga ayuda sa mga apektado.
Ini matapos nga sa ginpatigayon nila nga pagsinapol sang nagligad nga semana ginmanduan ang mga ini nga magpatigayon sang RDNA matapos nga may pipila pa ang wala nakapatigayon sang assessment.
Ginkumpirmar man ni Maam Rivera nga wala pa sang mga banwa sa probinsya ang nakadeklarar sang state of calamity.
