General Santops City–Gitin-aw sa labaw sa Provincial Risk Reduction Management Council kon PDRRMC nga si Rene Punzalan sa probinsiya sa Sarangani nga dili pa niini makumpirma kung Faultline ba ang gilikian sa yuta sa bag-ohay lamang nga nahitabong linog sa Barangay Pag-Asa, Alabel Sarangani Province.
Sumala pa ni Punzalan nga wala silay katungod nga mohatag ug pahayag kung duna bay koneksyon sa nahitabong linog ang pagliki sa yuta sa nasampit nga Barangay.
Gani saysay pa niini nga human sa hitabong linog ilahang gisuroy ang lugar kauban ang mga personahe sa MGB 12 aron magpahigayon ug inspeksyon ug masuta ang hinungdan sa pagliki sa yuta.
wala usab gibalewala ni Rene Punzalan nga gumikan sa sunod-sunod nga linog nga nahitabo niadtong bulan sa oktubre ug ang paglihukan sa mga bato ilawom sa yuta ang posibleng hinungdan nga dali lang miliki ang yuta.
Kung asa gikadamyos sa mga kayutaan sa mga nanimuyo sa lugar nga anaa sa kapin 60 ka pamilya ang labing naapektuhan.
Saysay usab sa opisyal nga human gitay-og ug linog ang lugar sa bukidnon niadtong nov.18 naobserbahan na lamang sa mga residente sa lugar nga nangaliki na ang kayutaan sa ilang gipuy-an.
Sumala pa ni Punzalan nga wala pa gayud siyay kasayuran sa hinungdan sa pagliki sa yuta gani dili usab niini maingon kung ang nahitabong linog ba ang hinungdan sa pagkaguba sa yuta.
Pagpaklaro sa opisyal nga gipaabot pa nila ang mahimong resulta sa report sa MGB ug ilaha usab gihangyo ang PHIVOLCS nga mopahigayon ug dugang assessment sa lugar .
Human sa nahimo nilang imbestigasyon gideklara sa MGB12 nga danger zone ang lugar ug dili na pwede tukuran ug mga gambalay ingon man dili na usab pwede mobalik ang 60 ka pamilya nga naapektuhan.(Reynald Timario)
