General Santos City—Luyo paman nga dili derektang apektado ang Sarangani ug kasigbit nga lugar sa bagyong Ompong, nakaalerto gihapon sa kasamtangan ang Provincial Disaster Risk Reduction and Management Council sa probinsya sa Sarangani.
Sumala ni PDRRMO-Sarangani Action Officer Rene Punzalan nga sa karon ilang ginamonitor ang kinatibuk-ang probinsya higayon nga makasinati ug mga pag-ulan ulan ang probinsya gumikan sa epekto sa bagyong ompong.
Nasayran nga una nang nagpagula ug kamanduan ang DILG sa tanang mga PDRRMO, CDRRMO, MDRRMO ug BRRMO nga imonitor ang mga lugar sa matag AOR higayon nga mubundak ang ulan partikular ang mga lugar nga nakasinati ug mga pagbaha ug land slide.
Nasayran nga sa mukabat 141 ka mga barangay sa Sarangani mukabat sa 56 ka mga barangay ang makonsiderang flood prone area.
Tungod niini ila nang gipaalerto ang tanang mga MDRRMo ug BDRRMO sa maong mga lugar aron nga gilayon makahimo sila ug aksyon higayon nga adunay mahitabong pagbaha.
