General Santos City— Nagpahigayon na ug peace and order council meeting ang kapulisan, joint task force Gensan, bureau of fire protection ug uban pang unit sa pagpanguna ni Gensan City Mayor Ronnel Rivera.
Sumala ni Police Senior Superintendent Romeo Ruel Berango, Acting City Director sa GSCPO nga atol sa maong panagpulong ilahang gi-presenta ang tanang mga accomplishement sa kapulisan sa milabay’ng kwarter.
Lakip usab ang mga rekomendasyon ug mga concern alang sa dugang kalambuan sa dakbayan. Dugang pamahayag ni Col. Berango nga gipa-ubsan na ngadto sa alert level 3 gikan sa alert level 4 ang alerto sa dakbayan basi na usab sa rekomendasyon sa Joint Task Force Gensan.
Apan gibutyag niini nga gumikan sa padayong bahad sa siguridad sa syudad, nagpabiling alerto ang kapulisan ug militar. Pagpaklaro niya nga naka-standby usab ang Regional Public Safety Batallion nga maoy nag-unang unit alang sa dugang pwersa sa kapulisan.
