General Santos City–Gikumpirma ni Atty Jay Gerada- Provincial Election Supervisor sa Comelec South Cotabato nga andam na sila sa ipahigayon nga eleksyon karong petsa 14 sa Mayo.
Sa pakighinabi sa RMN-Gensan kang Gerada gibutyag niini nga niadtong nakalabayng adlaw nagpahigayon sila ug regional command conference uban ang kapulisan ug kasundalohan.
Kini isip kabahin sa preparasyon sa ipatruman nga peace and order sa nagkadaiyang barangay sa maong lugar aron ipabiling hapsay ug malinawon.
Gibutyag usab ni Atty Jay Gerada nga bisan ang peace covenant signing nahuman na usab sa nagkadaiyang munisipyo sa probinsya sa South Cotabato.
Gawas niini ila na usab napahigayon ang debriefing alang sa mga kandidato nga mga barangay kagawad, kapitan ug Sangguniang Kabataan alang sa eleksyon.
Kagahapon gihimo usab ang brieing alang sa mga electoral board nga magsilbi sa umaabot nga piniliay kung asa pagahimuon kini pinaagi sa manual counting. (Jordan Britos)
