Sultan Kudarat—Nagpadala na ug mga peacekeepers sa lungsod sa Palimbang, sa Sultan Kudarat ang Philippine Marines aron nga magpatunga sa nahitabong rido nga gikalambigitan sa duha ka pamilyang Moro gumikan sa matud pa komplekto sa luna nga gikamatay sa usa ka estudyante.
Partikular nga gipadala sa lugar ang 1st Marine Brigade nga naka-base sa Kalamansig, Sultan Kudarat aron maoy magsilbing peacekeepers sa mga nag-away nga pamilya.
Hinuon sa kasamtangan hinay-hinay nang nabalik sa normal ang sitwasyon sa Barangay Molon, Palimbang, Sultan Kudarat human nga nagpatunga na ang mga local officials.
May mga pulis na usab nga gikan sa Lake Sebu PNP ang gipadala sa Barangay Ned kansa usa sa mga naapektuhang lugar sa nahitabong rido gumikan duol kini sa utlanan nga bahin sa Palimbang. Lambigit sa clan war ang pamilya nilang ni Mike Binago ug Adlam Saliod, nga susamang may mga paryente nga miyembro sa MILF ug MNLF.
Nasayran nga basi sa datus sa PDRRMO south Cotabato mukabat ngadto sa 250 ka mga pamilya gikan sa tulo ka mga sitio sa Barangay Ned ang mihikling gikan sa ilang panimalay ug anaa karon sa evacuation center sa Lake Sebu gumikan na usab sa maong kagubot.
