Patay na ang tsansa sang Panay Electric Company nga ma-renew ang ila franchise bilang power distributor sa Siyudad sang Iloilo.
Ini ang ginpahayag ni Councilor Plaridel Nava matapos gin-aprobahan na in principle sang Senado ang franchise application sang MORE Power Corporation.
Ginpahayag ni Nava nga sa ginhiwat nga hearing sa Senado kahapon sa pagpanguna ni Senador Grace Poe kon sa diin nagtambung sila ni Councilor Joshua Alim, ginduso ni Senador Francis Escudero ang pag-aprobar sa application sang MORE nga amo ang mangin distributor sang kuryente sa siyudad.
Bangud sini, ginpahayag ni Nava nga wala na sang tsansa ang PECO nga ma-renew ang ila franchise nga maga-expire na sa enero 2019.
Ginpahayag ni nava nga indi man puwede nga duha ka power utility ang maga-distribute sang kuryente sa siyudad.
