Gin-grant sang Energy Regulatory Commission (ERC) ang provisional authority to operate sa PECO antes mag-expire ang Certificate of Public Convenience and Necessity (CPCN) sang panay electric company subong nga adlaw.
Napagkit ini sa ERC resolution nga napetsahan mayo 21 subong nga tuig.
Duha ka tuig ang ginhatag nga provisional authority sa PECO ukon tubtob nga makaestablish kag makaoperate sang ila kaugalingon nga distribution system.
Nahibaluan nga may franchise ang MORE Power apang wala naman ini sang pasilidad agud makadistribute sang kuryente.
Gin-athag man sang mando sang ERC nga pirmado sang chairman nga si Agnes Devanadera nga ang paghatag sang provisional CPCN sa PECO indi extension sang franchise sini nga nag-expire sadtong Enero 18, 2019.
Ginpahayag naman ni MORE Power President kag Chief Operation Officer Roel Castro maathag sa desisyon sang ERC nga ginakilala nila ang franchise nga ginhatag sang kongreso sa MORE Power.
