SYUDAD sang Iloilo – Nagpaathag ang Panay Electriuc Company (PECO) paagi sa Facebook angut sa ginaalegar atras-abante nga desisyon sa pagbayad sang ila real property tax (RPT) sa syudad sang Iloilo.
Sa post sang Ilonggos for PECO, ginmanduan sila sang city government sadtong 2016 nga bayaran ang taxes sa ila mga poste kag linya sang kuryente base sa ruling sang korte suprema sadtong 2015 nga nagapahanugot sa LGU nga magpatong sang taxes sa electric posts kag linya.
Suno sa PECO wala nila ini ginahimo sang una.
Ginaquestion man sang PECO ang computation nga nagsugod sadtong 2006-2016 apisar nga ang ruling sang Korte Suprema ginpaggwa sang 2015 lamang.
Gilayun ini nga ginpabayaran sa ila kag sang wala dayun nabayaran ginpatungan sila sang surcharges.
Gin-challenge ini sang PECO bangud nga ginpatungan sila sang tax sa mga tuig nga indi pa dapat.
Paathag pa sang PECO mahimo man sila magbayad apang ginalikawan nila ini bangud dugang man nga palas-anon sa mga konsumidor bangud ipatong nila ini sa bill sang mga Ilonggo bangud ginapahanugutan ini sang Energy Regulatory Commission.
Bangud sang pagpamalibad sang syudad nga magbaton sang bayad, gindeposito sang PECO ang ila bayad sa korte.
Nahibaluan nga masobra sa 140 milyones pesos ang ginahambalan nga taxes sang PECO.
Photo from web
